Бидејќи сите живееме во брзо време кое не ни остава многу простор да се посветиме на блиските, понекогаш треба да застанете и да уживате во моментот. Покрај сите обврски на работа и во домаќинството, немојте да заборавите на партнерот бидејќи ладната врска е лоша врска. Ви носиме неколку идеа како со мали работи да ја зачините врската...

Иницијатива
Наместо да го прашате што би сакале да правите, испланирајте заедничко излегување така што тој навистина ќе се опушти и ужива. Исто важи и за топлите моменти. Не чекајте тој да го направи првиот чекор туку вие превземете иницијатива и покажете што знаете.

Бидете негов личен масер
По напорниот ден добра масажа е она што речиси секој би го посакал, затоа од време на време изненадете го својот сакан. Овој чин ги зближува партнерите, а со малку фантазија и неколку бакнежи може да се претвори во нешто многу пострасно.

Изненадете го во кујна
Дури и ако вашиот партнер е професионален готвач ќе знае да го цени вашиот труд ако по неколку доаѓањa од работа го дочека вкусно јадење. Не заборавајте дека љубовта оди преку желудникот.

Сочен бакнеж
Иако бакнежот во образ е убав знак на внимание, сепак вашиот сакан ќе ви биде благодарен ако веднаш, уште од врата го дочекате со страстен француски бакнеж.

Вино на усните
Освен вкусното јадење повеќето мажи сакаат и добра капка, па нема да биде лошо ако по напорниот ден отворите шиште вино и по вечерата се напиете некоја чаша. Виното сигурно ќе ви го подобри расположението, а можеби ќе ве доведе и до страсно уживање.

Развеселете го со десерт
Ако сте отишле на вечера кај пријателка не заборавајте на својот сакан, донесете му барем парче торта. Истото може да го направите и во било која друга ситуација. Ако минувате низ продавница или слаткарница изненадете го со слатка ситница.