Без оглед на тоа дали тој те оставил тебе или ти си сакала да прекинете, со тек на време ќе сакаш да пронајдеш нов тип. Врската не функционирала со причина, а кога бараш новно момче, обрни внимание на некои од овие работи...

1.Избегнувај негови клонови
Многу девојки што побрзо ќе се обидат да пронајдат нов дечко, а кога го прават тоа често паѓаат на клонови од своите бивши. Стравот од непозно е доволен секој пат да го бирате практично истиот тип, што не е голем проблем ако станува збор за сличности во изгледот. Но, ако се работи за сличности во карактерот, веројатно повторно ќе пукне.

2.Задржи ги навиките кои функционираат
Ако со бившиот добро функционираше поради некои навики, задржи ги и во новата врска. Пример, ако секогаш користиш искрен пристап и сите проблеми ги решаваш на лице место, продолжи така и понатаму. Секако, на почетокот ќе мора да ја испиташ ситуацијата и да провериш дали твојата стара тактика ќе функционира и со новиот дечко.

3.Не ги заборавај луѓето кои веќе ги познаваш
Твојот стар пријател од средно или типот кој постојано го среќаваш на кафе можеби пред тоа не биле на твојот љубовен радар, но сега кога си слободна, размисли и за нив. Понекогаш најдобриот пример цело време ни стои пред нос, а ние од некои причини не го гледаме тоа.

4.Дозволи некој да те заведе
Само затоа што сега си прекинала со некој, не значи дека во следната врска мора да влезеш без многу романтика. Излези на романтичен состанок, дозволи му на момчето да се обидува да те улови и уживај во делот каде сеуште не си сигурна каде сето тоа води. Ако си била во долга врска, ќе знаеш да ги цениш овие слободни моменти.