Вие и вашето момче одлучивте да живеете заедно? Честитки на храбриот чекор, но мора да бидете подготвени на големи промени...

1.Заборавете на чистиот мијалник
Секоја чест на исклучоците, но повеќето мажи ќе чекаат се додека одводот целосно не се запуши, па дури тогаш ќе размислат за чистење на својата коса, влакна и останати работи кои ги фрлаат во мијалникот. Можете да се борите против тоа, но ако сакате чист мијалник, мали се шансите дека тој ќе го ви го овозможи.

2.Чорапи како декорација
Повторно, чист исклучок, но повеќето мажи ќе ги соблечат чорапите, ќе ги фрлат каде ќе стигнат, и ќе ги соберат речиси во исто време кога ќе отидат да ги исчистат влакната од мијалникот.

3.Засушени садови
Жените обично по јадење ќе ја стават чинијата во мијалникот за садови и ќе ја потопат со вода, додека мажите ќе ја остават било каде се додека не се исуши. Ова е релативно лесно да се исправи. Ако неколку пати му спомнете колку е секси додека ги става чиниите во мијалникот за садови, брзо ќе се навикне на тоа.

4.Машината за алишта не е негова територија
Може да заштрафи некој штраф, да поправи компјутер или да го вароса целиот стан, но кога е машината за перење алишта во прашање, немојте премногу да очекувате. Не дека не знае да се служи со неа, но во нив постои одреден отпор кој ги тера воопшто да не се обидуваат да комуницираат со неа.

5.Позитивни страни
Секако, има и добри делови од приказната. Секоја тегла која не можете да ја отворите, секој ормар кој треба да се помести, секоја вреќа со ѓубре која мразите да ја изнесете надвор, станува негова работа, која помалку или повеќе секогаш со задоволство ќе ја извршува за вас.