Секоја работа, на овој или оној начин влијае на нашиот љубовен живот, а најновото истражување на страницата eHarmony покажало како вас, во зависност од тоа што работите, ве привлекува одреден тип. Резултатите се навистина занимливи...

1.Деловните жени најмногу се занимаваат со фризери
Високата позиција на жените во некоја фирма на eHarmony покажало зголемена комуникација со мажите кои се занимаваат со разубавување. Не знаме дали станува збор за жени кои сами доволно заработуваат па им е сеедно какви приходи има мажот, или жени кои едноставно бараат некој кој во слободното време ќе ги исфенира.

2.Домаќинките најмногу се палат на забари
Жените чија што работа е да ја одржуваат куќата и грижата за семејството, најчесто ги полнат инбоксите на стоматолозите. Сигурни сме дека имаат некои свои мотиви, но кога малку подобро ќе размислиме, која жена не би сакала забар за момче?

3.Невработените мажи сакаат лични инструкторки
Можеби поради тоа што ги мотивираат да станат од каучот, можеби само затоа што изгледаат добро, но мажите без работа најчесто ги гледаат профилите на личните тренерки. Ваквата врска има и финансиска смисла. Ако не можам да платам одење во теретана, веројатно добро би ми дошло стручно лице - во станот.

4.Докторките сакаат банкари
Успешните луѓе сакаат да бидат во круг на други успешни луѓе, а докторките и банкарите сигурно имаат одлична динамика во врската. Нивните стресни работи и пренатрупаниот распоред ги прават совршено компатибилни, затоа што веројатно ќе имаат разбирање еден за друг ако се во слична ситуација.

5.Банкарите сакаат учителки
Лоша вест за докторките. Банкарите најмногу сакаат учителки. Пренатрупаниот распоред веројатно не им се допаѓа, па сакаат жена која има нешто помирна работа, за да го избегнат стресот кога ќе си дојдат дома. Или едноставно станува збор за сексуална фантазија која ја имале за својата учителка, па сега се обидуваат да ја остварат.