Новото истражување на шведските научници покажува дека се повеќе 70-годишници уживаат во сексуалниот живот, од кои особено се задоволни жените...

Резултатите покажале дека бројот на луѓето кои во седмата и осмата деценија уживаат во сексот е зголемен во последните 30 години. Во истражувањето учествувале околу 1 500 луѓе. Истражувањето покажало дека бројот на оженети мажи кои имаат полов однос се искачил од 52 на 98%, додека бројот на жените кои изјавиле дека сеуште имаат однос, од раните 70-ти до денес пораснал од 38 на 56%.

Сличен пораст е забележан и кај неженетите мажи од 30 на 54%, и од 0,8 на 12% меѓу жените. Исто така се зголемил и бројот на жените кои рекле дека секогаш или речиси секогаш доживуваат оргазам.

"Нашето истражување покажува дека повеќето од старите луѓе ја сметаат половата активност и пропратните чуства за природен дел од животот", заклучиле авторите на истражувањето, додавајќи дека може да се забележи дека квантитетот и квалитетот на половите односи  се подобриле во текот на последните 30 години.