Мажите навистина сакаат блондинки, покажува истражувањето на сајтот за запознавање Twoo.com.

Тоа покажало дека, веројатноста да изберат русокоса партнерка во животот е за 3% поголема, но добрата вест е дека 27% од претставниците на посилниот пол преферираат заоблени жени. Само 2% од анкетираните мажи изјавиле дека, би сакале жена со пропорции на супермодел.

Како мажите, така и жените би избрале убаво лице пред одлично тело, кога бараат партнер, покажа уште истражувањето. Најважните карактеристики се убавите очи и насмевката, тврдат експертите. Околу 22% од мажите бараат жена со убави очи, а 20% не можат да одолеат на девојка со убава насмевка.

Само 8% од претставниците на посилниот пол ги посочиле убавите задни делови како најважна карактеристика, а 7% изјавиле дека убавите гради се задолжителен услов за да се вљубат. Слично како кај мажите, 25% од претставничките на понежниот пол изјавиле дека сакаат партнер со убави очи, а 22% не би можеле да одолеат на секси насмевка. Само 2% од жените бараат партнер со големи мускули.