Секоја жена барем еднаш во животот фрлила око на маж кој е веќе зафатен. Иако повеќето нема да тргнат по типот кој е во среќна врска, постои одреден процент на жени кои паѓаат исклучиво на таквите мажи. Ова се нивните причини...

1.Мала самодоверба
Жените со ниско ниво на самодоверба често веруваат дека не се доволно добри за да бидат нечија девојка, па бараат мажи кои се зафатени, бидејќи тоа од почеток значи дека неможат да бидат на прво место. Својата самодоверба ќе се обидат да ја зголемат токму со превземање на туѓо момче, водени од логиката: "Ако не е подготвен да ја остави девојката поради мене, значи дека сепак нешто вредам."

2.Зависни од секс
Некои жени едноставно неможат да живеат без секс. Не станува збор за зголемено либидо, станува збор за психичко пореметување кое мора да се лечи. Таквите жени немаат проблем со моралните препреки како што се мажи во врска или брак. Ако можат да си обезбедат секс, нема да да застанат се додека не дојдат до целта.

3.Чувство на контрола
Типот во врска е голем предизвик за жените кои сакаат да ја контролираат целата ситуација. Освен што е надвор од нивната контрола, им претставува трофеј кој мора да го освојат за повторно да можат да кажат дека се е во нивни раце. Овие жени имаат еден голем проблем. Кога конечно ќе го добијат тоа што го сакаат, престанува да им биде забавно и бараат нови ситуации кои се надвор од нивна контрола.