Жените важат за понежен пол, но подемите и падовите во врската повеќе ги погодуваат мажите. Иако се прават дека ништо не може да ги раздрма, тие често после прекинот патат повеќе од жените...

Мажите потешко ги искажуваат емоциите, особено тагата. Кога се повредени, најчесто ќе се затворат во себе, а после прекинот на врската тоа само ја влошува состојбата и продолжува периодот кој ни е потребен да преболиме и да продолжиме понатаму. За младите мажи партнерката е примарен извор на интимност, додека жените се доста блиски со членовите од семејството и пријателите, што значи дека после прекинот имаат со кого да ја поделат тагата, па со самото тоа полесно ја поднесуваат.

Иако на прв поглед делува дека после прекинот мажите полесно продолжуваат понатаму, најчесто во прашање е "ќе и покажам јас нејзе" ставот, кој не е реален одраз на емотивната состојба. Жените од друга страна, си даваат време да размислат за ситуацијата, некое време патат, а потоа полесно почнуваат да се опоравуваат.

Истражувањата покажаа дека по прекинот на долга врска поголем број мажи паѓаат во депресија во однос на жените. Исто така после прекинот жените почесто го бараат својот поранешен партнер преку телефон или СМС, додека мажите се прават дека нивната бивша не постои.