Прототипот на машките таблети за контрацепција е развиен во бостонскиот институт Деин-Фарбер, а научниците се надеваат дека во рок од година дена ќе почнат со нивно количинско тестирање...

Соединението наречено ЈQ1 е тестирано на глувци и утврдено е дека може ја поремети сперматогенезата - процес на созревање на спермата. Резултатот од тоа е намален број на квалитетни сперматозоиди. Научниците нагласуваат дека со прекин на земање на соединението доаѓа до повторна продукција на нормална сперма и дека ЈQ1 нема влијание врз производството на тестостерон, однесувањето или здравјето на потомството.

"Идеалното контрацепциско средство е 100% ефикасно, целосно е реверзибилно и нема нус појави, што значи дека многу добро се поднесува", објаснил авторот на студијата Џејмс Бреднер.