Паровите се во свој свет, и сигурни сме дека таму им е прекрасно, но понекогаш знаат да бидат толку напорни што сакаме да ги разделиме. Не е важно дали сте сингл или сте дел од пар, но сигурни сме дека постои тој еден тандем кој ве нервира. Нивните најчести навики од кои ни се крева косата на глава се...

1.Спомнување "сродни души" во обичен разговор
Сигурни сме дека сте среќна поради својата пријателка која го пронајде своето идеално момче, но нејзиното постојано фалење со фактот дека ја пронашла другата половина од своето срце навистина знае да иритира.

2.Ние, ние, ние
Таа не сака пиво, но тоа ќе го спакува во реченицата "ние не сакаме пиво". Иако него го боли глава, всушност ги боли нив, а таквите пријателки повеќе нема да можеш да ги повикаш на кафе без да добиеш одговор "ние ќе дојдеме."

3.Заеднички Фејсбук
Најиритирачки парови се оние кои ги спојуваат своите кориснички сметки под изговор "Ние сме едно, не ни требаат две сметки." Нивниот Фејсбук под името Ивана-Марко е најслатката работа на свет, додека останатите луѓе едноставно ги нервира.

4.Спојување на заеднички пријатели
Добрата намера е едно, но во многу случаи твојата пријателка бара девојка за другарот од своето момче, за сите заедно да можете да одите во кино и да уживате во магијата на дуплите состаноци. Често знаат да бидат доста нападни во својата намера, што вклучува наговарање, молење, и реченици како: "Дај му шанса, не е така лош".

5.Јавно искажување љубов
Убаво е да видите пар кој се сака и не се срами да го покаже тоа, но некои граници сепак мора да постојат. Парот кој се љуби сред ресторан како да не постои утре не е добар за апетитот на присутните.