Мажите може да тврдат дека сакаат витки жени, но кога се во тешка положба, го вртат погледот кон заоблени дами, покажува британско истражување...
Научниците утврдиле дека кога мажите се под стрес или загрижени, тие ги сметаат заоблените жени за попривлечни. Несигурноста можеби води до желба за заштита од зрела фигура, слична на онаа на мајката, сметаат научниците.
Тие направиле истражување со две групи мажи на возраст меѓу 18 и 40 години, од кои едната група била изложена на сериозено интервју за работа.
Потоа учесниците биле замолени да разгледаат фотографии од 10 жени - од многу слаби до доста полни. Група мажи кои биле под стрес ги избрале заоблените тела за попривлечни од слабите.
"Луѓето се склони да ги идеализират зрелите морфолошки карактеристики, вклучувајќи ги и заоблените тела, кога се изложени на опасност од животната средина, без разлика дали економска или социјална", изјавиле авторите на студијата д-р Вирен Суами и Мартин Каин.
