За романтика не ви треба многу напор или пари - важно е да вложите малку време и многу љубов...

Мажите мораат да научат дека, што се однесува до романтиката, понекогаш треба да размислуваат како жени. Првиот чекор е сфаќање дека најефикасната предигра е романтиката - предигра која трае цел ден и кулминира со страсна ноќ за вас двајцата. Значи, со подолга предигра ќе постигнете ментална стимулација и исчекување на она што доаѓа на крај, а тоа за двајцата е полн погодок.

Еве совети како би можел да изгледа потенцијалниот романтичен ден:

Заедничката вечер најавете ја однапред за да бидете сигурни дека таа ќе има време.

Станете порано и подгответе и појадок во кревет. Ништо екстравагантно, доволни се житарици со млеко или тост и една чаша сок од портокал.

Потоа заедно истуширајте се, но без секс – заштедете ги физичката сила и сексуалната желба за подоцна. Ако вашата девојка не сака да се туширате заедно, само нежно истријте и го грбот и излезете од бањата.

Оставете и порака на перницата, напишете дека се радувате на планираната средба, а можете и да и испратите цвеќе на работа. Побарајте ја за време на паузата само за да и кажете дека едвај чекате да дојде вечерта.

Подгответе вечера - ако не знаете да готвите, порачајте ја.

Претворете ја вашата спална соба во љубовно гнездо. Подгответе масло за масажа и ставете миризливи свеќи, додадете се романтично што ќе ви падне на ум. Свеќи ставете и во бањата. Направете амбиентална атмосфера со омилената музика на вашата сакана, а остатокот од вечерта е ограничен само од вашата фантазија и издржливост.