Лето, високи температури, страсти и секс во вода се чинат како примамлива и возбудлива комбинација, но дали е доволно сигурно за вашето здравје да им се препуштите на задоволствата во море, базен или езеро?

Бидејќи водата ја мие и отстранува природната влажност на вагината, кај сексот во вода се препорачува употреба на лубрикант. Исто така, водата не спречува ширење на полови болести и бременост, а поради триењето може да дојде до пукање на кондомот.

Солта и бактериите кои се наоѓаат во морињата, реките и езерата, како и хемикалиите во базен или џакузи може да предизвикаат инфекции и иритации во женското интимно подрачје. Хлорот може да ја наруши природната pH на вагината што доведува до габични инфекции, а бактериите и амебата од морињата и езерата придонесуваат за ризик од развој на инфекции на уринарниот тракт.

Сексот во када или во туш кабина, исто така звучи примамливо, но и во овој случај добро е да се користи лубрикант. Тушот носи многу ризици од повреди кои најчесто се случуваат поради лизгав под, а и просторот често е претесен.

Модерните кади, кои се доволно големи за двајца, се подобар избор за секси игри, особено за предигра и сензуална масажа. Меѓутоа, пените и геловите за капење и туширање може да предизвикаат иритација и затоа е препорачливо да се користи само лубрикант на база на силикон или природен гел за туширање од маслинки.