Истражувачите открија ризичен тренд во текот на зимата и почетокот на летото - луѓето по интернет почнуваат упорно да ја барат љубовта. Или барем незаборавен секс...

Експерти во соработка со технолошкиот гигант Гугл направија истражување на човечкото сексуално однесување со користење на клучни зборови од пребарувања на порнографија, проституција и сајтовите за запознавање, во периодот од јануари 2006 до март 2011 година. На тој начин тие откриле дека американците имаат најсилна желба кон крајот на Божиќ и во почетокот на летото.

Овој циклус не е изненадувачки. Во 2007 година студија на сексуалното однесување на младите, откри сличен шестмесечен период на активност во САД. Истражувањето на т.н. "празничен сезонски ефект" или "летноваканционен ефект" вклучувало и истражување на резултатите од сексот, бременост и пренос на инфекции по полов пат. Тоа се работи кои се појавуваат неколку месеци откако човекот веќе бркнал со лажицата во медот.

Научниците исто така откриле дека кон крајот на Божиќ и во почетокот на летото трговците се радуваат на значително поголемата продажба на кондоми. "Едно од поразумните објаснувања е дека во западните земји Божиќ и летото се главните празнични сезони", коментира член на научниот тим.