Под услов дека не сте се разделиле со голема кавга, сексот со бившиот дечко може да биде занимливо искуство, но и доста комплицирано од кое треба да се стои понастрана. Секоја ситуација е специфична, а како и кај се останато, и кај сексот со поранешниот постојат позитивни и негативни страни...

ЗА - Позната територија
Сексот со некој нов носи и одредена доза на стрес, која во сексот со бившиот не постои. Со него не мора да учите кои пози ги сака, начинот на кој сака да прави одредени работи и да создавате атмосфера во која ќе ви биде пријатно. Доволно добро се знаете така што се ќе помине во релативно опуштен ритам.

ПРОТИВ - Нејасен однос
Постои причина поради која сте прекинале, а таа причина сигурно не се решила магично сама од себе. Сексот со бившиот може да биде непријатен ако тој мисли дека станува збор само за секс, а вие потајно се надевате дека ќе се помирите. Односите мора да бидат јасно одредени, инаку ќе се создадат непотребни компликации.

ЗА - Затворање на сметката
Прекинот може да биде стресен и за двајцата, без оглед на тоа кој го посакал. Последниот секс може да ви помогне да бидете сосема сигурни дека меѓу вас нема веќе хемија, и да се ослободите од можноста тоа прашање постојано да ви виси над глава.

ПРОТИВ - Чувства после сексот
Сексот со поранешниот понекогаш ќе ве остави сосема празни, а можно е да пробате да одгатнете зошто воопшто сте се впуштиле во обновување на нешто кое завршило. Знаењето дека вашиот бивши сеуште чувствува привлечност кон вас може да ви го подигне егото, но сексот може да ве одведе во сосема погрешна насока и да ве фрли во мини депресија.