Ниту една жена не сака пред себе да има несреден маж. Не е тајна дека секоја од нас би избрала момче кое се грижи за својот изглед наспроти несреден тип кој мириса. Покрај сите физички и карактерни особини кои жените ги забележуваат, хигиената е сепак на прво место. Ако хигиената не е првата работа која не привлекува, нехигиената е сигурно првата работа која не одбива...

Насмевка
Убавата насмевка и заби се еден од важите фактори на кои жените паѓаат, па така мажот со убави заби веднаш има предност. Згоден фраер на кој здивот му мираса на цигари, алкохол и немиени заби никому не му е привлечен.

Мирис
Жените би дале голем минус за момците кои не користат дезодоранс или сапун, се бањаат секој трет ден а згора на се сметаат дека е сосема во ред такви да се појават во јавност. "Смрдливците" на тој начин покажуваат дека не само што не се почитуваат себе туку исто мислење имаат и за останатите луѓе кои се наоѓаат во нивна близина.

Несредени нокти
Ниту една жена сигурно не сака да ја допираат валкани раце и неуредни нокти. Голем процент од жените на мажите прво им ги забележуваат рацете, и токму затоа фраерот со валкани нокти ќе добие црвено светло веднаш од старт.