Кога во врската не го добиваме тоа што го сакаме, понекогаш се свртуваме кон она најлошото - поставувањетo ултиматум е детинесто, опасно за врската и целосно погрешен начин на комуникација. Еве некои работи кои никогаш не смеете да ги условувате...

Прстен или прекин
Џенифер Анистон го уцени Бред Пит. Ако не ја ожени, таа ќе прекине со него. Бред потклекна, Џен го доби тоа што го сакаше, но сите знаеме колку траеше нивната брачна среќа. Форсирањето на работите како што е бракот никогаш не е добро, затоа што партнерот секогаш ќе знае дека не влегол во тоа со сопствена волја.

Расчисти по тебе или...
Многу жени се трудат да се водат од тоа што го научиле во детството. Кога сме мали, мајките ни велеа - "Ако не расчистиш по тебе, и јас ќе престанам да чистам па ќе видиме кој подолго ќе издржи". Иако функционира додека сме деца, ваквите закани не ги постигнуваат саканите резултати кај возрасна особа. Типот на кој му се заканувате на овој начин сигурно ќе продолжи со истото однесување, затоа што му е навистина сеедно.

Ако ти не го прошеташ кучето...
Уште една во низата бесмилени закани. Наметнувањето грижа на совест не функционира, исто како ни заканата дека ќе го оставите кучето да ја изврши нуждата во дневната соба. Исто како што вие знаете дека тоа не е вистина, знае и вашето момче. Меѓу другото, ако допуштите кучето да изврши нужда во дневната соба, вие сте таа која ќе треба да исчисти, зарем не?

Или јас, или твоите пријатели
Неговата машка вечер е исто што и твојата вечер со пријателките. Излгување кое ви треба за да се одморите еден од друг. Некои девојки успеваат да им забранат на своите момчиња да се дружат со пријателите, но тоа е за кратко време. Неговите пријатели биле овде многу време пред да се појавите вие, а ако продолжите со забраните, тие се единственото нешто кое ќе останат во неговиот живот.