Незадоволството со сексуалниот живот е постојана тема на истражувања и проучувања, бидејќи се повеќе луѓе стануваат свесни дека она што се случува во кревет е основа на добра и стабилна врска. Блогерката Аријан Мардер одлучи да се посвети на оваа тема.

Според неа постојат пет клучни грешки кои жените ги прават во кревет, а еве и совети како да ги избегнете:

Не глумете оргазам

За женскиот оргазам и глумата е пишувано многу и сето тоа се сведува на фактот дека глумењето е целосно непотребно. Всушност, ако не го достигнете врвот, мажот ќе се потруди да ве задоволи како што знае и умее, пред се поради своето его. Затоа, дозволете му...

Преземете иницијатива

Идејата дека мажите треба да иницираат секс навистина припаѓа на друг век, а и сексот е добра активност за опуштање и намалување на стресот. Нема ништо лошо ако му седнете во скут и започнете заводливо да се галите со цел да го одвлечете во кревет.

Не бидете мрзеливи

Кога сте го довлечкале во кревет не бидете мрзеливи, немојте само да лежите и целата работа да му ја препуштите нему. Едноставно е, ако уживате и ако бидете активни, и вам ќе ви биде поубаво.

Имагинација

Како што вели авторката, нема потреба веднаш да земете камшик и синџир. Но, ако сексот ви западнал во рутина обидете се со нови пози или кажете ги своите скриени желби, обично партнерот ваквите идеи ќе ги дочека со ентузијазам.

Заборавете на срамот 

Малку повеќе иницијатива и идеи од ваша страна, секако ќе му се допаднат и на партнерот. Затоа опуштете се и направете го она што ќе ви падне на ум, се разбира, со напомена дека сигурниот секс е најдобар.