За една врска да биде успешна на неа треба да се работи. Сигурно веќе научивте дека не може секогаш да биде по ваше и дека и тој има свои потреби. Врската совршено ќе функционира ако и двете страни се потрудат, а ние ви носиме некои совети кои ќе ви помогнат во тоа...

Не прикривајте го незадоволството
Прикриеното незадоволство ја уништува секоја врска, ако нешто ви пречи веднаш кажете! Немојте да чекате да помине или на сила да сакате да се помирите со нешто, затоа што таквиот пристап на крај резултира со напад на бес. Во бесот и кавгата може да изговорите нешто што не го мислите и подоцна да зажалите.

Не попувајте
Постојаното критикување и приговарање не води никаде. Наместо да попувате секој пат кога ќе направи нешто лошо, подобро пофалете го кога ќе направи нешто добро и корисно.

Разбудете ја страста
Не дозволувајте сексуалниот живот да пати. Штом забележите дека состојбата во спалната соба не е како порано, запрашајте се зошто е тоа така и превземете нешто за повторно да ја оживеете страста. Победете го стресoт, заморот и нерасположенито и пробајте да создадете атмосфера.

Дајте му воздух
Одржувајте рамнотежа меѓу потребaтa за него и желбата да бидете со него. Имајте на ум дека на мажите им е потребно "време на само". Тие многу бргу се враќаат во нормала, но ако е тажен, лут или нервозен оставете тоа да го реши сам со себе без да го испрашувате што му е и за што размислува.

Мир, мир, никој не е виновен...
Никогаш не одете во кревет скарани, разговарајте додека не ја решите кавгата но немојте да дозволите негативното чувство да остане долго во вас. Немојте да се инаетите затоа што компромисот е клуч на добриот однос.