Секоја жена го прави истото, а нашето проучување на фотките од потенцијалните типови за врска не е резервирано само за нас. Мажите на нашиот Фејсбук оценуваат, проценуваат, им покажуваат на пријателите...Еве што најчесто прават...

Ги гледаат летните фото албуми
Нема подобар начин да види што го чека од гледањето на неколку наши слики од летување. Овој албум има се што му треба. Увид на нашата фигура, фигурите на нашите пријателки и прилика да не види без шминка и фотошоп. Девојки, внимателно со фотографиите.

Доброто, старо шпиунирање
На мажите денес не им е тешко да ги следат активностите на жената. Освен што со статусите и фотките даваме до знање каде се движиме, овде е и омилениот "check-in". Немојте да се чудите ако го сретнете момчето кое се труди да ве освои, и немојте да мислите дека тоа е баш некоја случајност. Можеби едноставно видел каде се наоѓате и се појавил.

Се подготвува за разговор
Случајно ја спомна книгата која мометално ја чита и гледај чудо, тоа е твојата омилена? Мажите се како жените, па така на Фејсбук ќе ги проверат нашите интереси, и задолжително ќе ги вметнат во разговор. Не велиме дека тоа ни пречи. Подобро малко да се потруди отколку да нема за што да зборуваме.

Поранешни момчиња
Наместо да те праша за поранешните, можеби се убаво проверил на Фејсбук. Така ќе делува дека му е сеедно, а сепак ќе ги добие сите информации. Ќе ја провери и зачестеноста на вашата комуникација, па затоа подготви се на малку љубомора секој пат кога твојот бивши ќе го "лајкне" твојот статус или фотка.

Машки пријатели
Твојот најдобар пријател за него значи закана од која мора да се чува, а сите машки кои ти се само пријатели за него се потенцијална опасност. Секој коментар од страна на машки пријател кај него ќе предизивка реакција, а ако смета дека тој машки пријател е попривлечен од него, може да биде љубоморен.