Жените со дијабетис на средна и во понапредната возраст не чувствуваат скоро никакво задоволство од љубовта во однос на дамите без проблеми со шеќерот во крвта...

Иако мажите дијабетичари се добро познати по своите сексуални проблеми, особено импотенцијата, за интимниот живот на дамите кои се во слична состојба досега се знаеше навистина малку.

"Ова е област која научниците ја истражуваат ретко. Особено што се однесува до повозрасните жени", објасни д-р Алисон Хуанг од Калифорнискиот универзитет во Сан Франциско.

Резултатите се добиени од истражувањето на 2300 жени од Калифорнија на возраст меѓу 40 и 80 години. Според нив, над 1/3 од жените подложени на третман со инсулин биле "умерено" или "многу" незадоволни од сексот.