Несомнено разделбата било со роднина, пријател или саканото лице е исклучително тежок и исцрпувачки момент од животот на секого. Но, кога поради една или друга причина се стигне до таму не ви останува ништо друго освен да продолжите напред...

Плачете
По завршувањето на врската голем дел од жените се обидуваат да бидат силни и да не се оддаваат на емоциите, но според многумина психолози тоа не е вистинскиот начин за лекување на болката. Експертите советуваат неколку дена да им се препуштите на емоциите и да си плачете, но да бидете сигурни дека кога деновиве ќе поминат повеќе нема да се вратите назад и да плачете за исто нешто.

Не се затворајте
Вистина е дека по тешки и кризни моменти човек има потреба да остане сам, но нека овој период не биде премногу долг. Седењето дома и самосожалувањето на никаков начин нема да ви помогнат, туку дури напротив. Не се изолирајте од околната, токму љубовта на семејството и пријателите е она што ќе ве крене на нозе и ќе ви помогне да го надминете она што се случило. Поминувајте повеќе време со нив, ќе бидете сигурни дека тој не бил смислата на вашиот живот и дека има толку неверојатни луѓе со кои сте опкружени.

Прифатете и простете
Несомнено тоа е најтешкиот чекор од сите. Тешко е да сфатиш дека и покрај сета љубов која си вложил, оваа врска е веќе завршена. Не почнувајте со "Само ако..." прфатете го тоа што се случило дека така требало да биде. Простувањето е исклучително важен чекор во надминување на она што се случило, но важно е да разберете дека треба да простите не само на својот поранешен, но и на себе. Ова ќе ве исцели и ќе ви помогне да продолжите напред со високо крената глава.