Иако жените на прв поглед се различни едни од други, постојат неколку детали кои се заеднички за сите припаднички на понежниот пол особено кога станува збор за љубовта, врската и партнерот. Дознајте ги скриените тајни кои жените никогаш нема да ги признаат...

Жените секогаш лажат за цените
Ако не знаете, време е да дознаете. Жените сакаат да се разубавуваат себе и светот околу себе, па не е чудно што сметката често се претвора во третмани за убавина. Без оглед за што се работи, апсолутно секое нешто изнесува барем 20% повеќе или помалку од она што жената ќе му го каже на мажот.

Жените често размислуваат за секс
Општо прифатениот факт дека фантазиите се резервирани само за машкиот пол е целосна невистина. Жените признаваат дека мислат на секс еднаш или два пати дневно, но со толкав интензитет што кога ќе ги затворат очите им се чини дека нивниот сакан во тој момент е покрај нив. Ова е за пофалба, зарем не?

И жените чувствуваат страв од обврска
Врзувањето и судбоносното ДА не предизвикува само страв кај мажите, туку и на жените им се потат рацете со секоја помисла за голем чекор. Заеднички живот, брак, деца, се обврски кои понежниот пол го терат на солзи, несоница, излудување или прејадување.

Жените сакаат виситнски мажи
Иако во денешно време жените се еманцепирани, силни, независи и успешни, сепак бараат вистински мажи. Некој кој ќе ги штити, ќе знае да превземе контрола над ситуацијата и кој не се плаши да ја разбере својата сакана.

Жените ја кријат правата вистина за бившите
Иако ова табу тема не е паметно да се отвора, освен после неколку години стабилна врска, добро е да се знае дека жените најчесто ја кријат правата вистина за старата љубов. На сеќавањето на бившите, повеќето жени се присетуваат со насмевка, што кажува доволно за себе.

Жените сакаат мала доза на љубомора
Во моменти кога врската ќе влезе во колосек и тој не ја забележува вашата нова фризура време е да го просветлите. Флертувањето е најбезбеден начин кој мажите ги доведува до лудило, а жените тоа добро го знаат и користат.

Жената на пријателката и открива многу повеќе
Таа е секогаш тука, а била и порано, затоа на кого ќе ги открие сите пикантерии, новости и болни моменти ако не на својата пријателка. Но, не грижете се, иако е верна и посветена, пријателката не мора да знае баш се, колку што мислите вие дека жените кажуваат, освен тоа помирете се и со фактот дека не секогаш сте главна тема на разговор.

Жените обожуваат мажи со престилка
О да да, кога ќе ги засукате ракавите и ги измите нечистите чинии, ја смените пелената или сервирате вечера жените тоа знаат да го ценат и наградат. Помина времето кога работите се делеа на машки и женски. Награда ќе следува затоа што повеќето жени признале дека една од најсексапилните глетки им е маж во престилка.