Американските научници утврдиле дека жените многу прецизно го одредуваат степенот на желбата на мажите да имаат семејство само по лицето и така го избираат вистинскиот партнер. Жените можат да утврдат дали мажот сака да има деца само по неговиот изглед...

Водичот на истражувањето, Дарио Местрипери од универзитетот во Чикаго вели дека мажите со таков тип на изглед, како на актерите Том Хенкс или Леонардо ди Каприо, најчесто се оценуваат како мажи со тенденција да создадат семејство.
 
Д-р Местрипери ја потврдува докажаноста на теоријата со зборовите: "Нашето истражување за прв пат нуди директни докази дека мислењата на жените за машката привлечност зависат од односите на мажите кон децата и од концентрацијата на хормони."

Во текот на истражувањето, чии резултати се објавени во списанието Proceedings of the Royal Society, биле опфатени 39 хетеросексуални мажи на возраст од 18 до 33 години, на кои им биле покажани слики од деца и возрасни. Им било понудено да изберат фотографии кои им се чинат поинтересни. Некои мажи ги одбрале само децата, други - само возрасните, а трети наизменично. Исто така на секој од нив преку плунката им било измерено и нивото на тестостерон.

Потоа истите овие мажи биле фотографирани, а фотографиите биле покажани на 29-те жени кои учествувале во експериментот. Тие требало по нив да проценат кои мажи се најмногу заинтересирани за децата, кои се мажествени, и кого од нив би сакале за долготрајна или краткотрајна врска.

Жените многу прецизно ги одредиле мажите кои за време на експериментот покажале поголем интерес за децата и исто толку лесно ги посочиле мажите со највисоко ниво на тестостерон. Мажите кои сакаат деца, ги избираат за долготрајни врски, а мажествените - за краткотрајни.

Според истражувањето, ако жените бараат краткотрајна врска, тие претпочитаат лица со силно изразена машкост, која е почеста кај мажите со високо ниво на тестостерон.
 
Мажите со мажествени лица, со квадратни брадата, не толку големи очи и мускулесто тело кое обично зборува за високо ниво на тестостерон, претставуваат лик на агресивни и помалку загрижени луѓе.
 
Дами, за општо изненадување, очигледно навистина знаете што сакате и што правите!