Жените симулираат оргазам, бидејќи се загрижени дека партнерот може да ги изневери, утврдиле американските научници...

Истражувањето било спроведено од Фарнац Кајгобади од Колумбија на универзитетот во Њујорк и Тод Шакелфорд и Вивиен Уикс Шакелфорд од Универзитетот Оукленд во Мичиген.
 
Тие утврдиле дека жените развиле бројни тактики за да го задржат мажот, за кој се плашат дека може да ги изневери. Тие се труделе многу повеќе при изборот на облека, го следеле движењето на мажот и се среќавале со потенцијалните ривали.

Откриле уште дека колку почесто една жена симулира оргазам, толку поуспешно го задржува мажот до себе. Американските научници испитувале 453 хетеросексуални жени на возраст меѓу 18 и 46 години кои имале врска од минимум шест месеци.

Над половина од жените (53,9%) изјавиле дека симулираат оргазам. Научниците истакнуваат дека кај "жените кои чувствуваат голема опасност дека партнерот ќе ги изневери, е поголема веројатноста да симулираат оргазам".

Освен тоа, научниците утврдиле дека жена која симулирани оргазам во одредена етапа од врската, има поголема веројатност да се сомнева во партнерот за неверство од жена, која никогаш не го правела тоа.