Кога размислуваме за идеален парнер за заеднички живот често очекуваме таа особа да биде олицетворение на посветеност, убавина, добрина, образование...Меѓутоа, вистинскиот рецепт се крие во духовитоста...

Иако се вљубуваме благодарение на хемијата или "спиокот на желби" на кој од особините кои ги сметаме за важни кај парнерот, на крај останува само духовитоста. Ако никогаш нема спонтани шеги, вашата врска веројатно е осудена на пропаст. Стручњаците тврдат дека потрагата по идеален партнер не е реална, затоа што кога љубовниот занос ќе престане, на виделина испливуваат особините кои често иритираат. Ова е посебно важно кога станува збор за женскиот избор на партнер. Во повеќе истражувања е забележано дека посреќни се оние жени кои се во врска или во брак со духовит маж.

"Духовитоста е најважна, тоа е она што останува кога се друго ќе избледи. Ако сте со забавен човек, се е послесно, секоја криза поминува брзо", вели една од учесничките во едно истражување спроведено на оваа тема. И мажите се согласуваат дека поубави се деновите кога сте емотивно врзани за особа која на живото гледа преку розови очила.

"Пресудно е личноста да биде забавна во секоја смисла - спонтана, со откачена смисла за хумор, вешта во правење интелигенти шеги... Ми се чини дека би се "лепел" само за духовити мажи, ако бев женско", изјавил еден од учесниците.

Кога покрај себе имате особа која секогаш може да ве насмее, дури и во најтешките моменти, имате добиено лотарија. Поради тоа внимавајте кој најчесто ви мами насмевка, можеби токму тоа е вашиот "господин вистински".