Жените се суштества кои постојано нешто бараат. Освен што инсистираме да запомните кога ни е годишнината од врската или бракот, очекуваме и поклон кој мора да ги задоволи нашите стандарди...

Ова се поклони кои ќе не воодушеват

1.Заедничка авантура
Заедничко патување на кое ќе доживеете работи за кои ќе зборувате секогаш кога ќе имате прилика никогаш не може да биде лош поклон. Нешто што ќе доживеете заедно е подобро од било која нараквица, затоа што трае вечно.

2.Оживеани спомени
Вечера во ресторанот во кој прв пат се сретнавте, колаж наравен од вашите први кино влезници, фотографии и слични спомени, или микс на песни кои ги обожувавте на почетокот од вашата врска ќе ја воодушеви секоја жена.

3.Нешто што ќе го носиме засекогаш
Непромислено добро парче накит кое нема да ни се допадни никогаш не е добар подарок, а ако бирате нешто со желба тоа секогаш да го имаме на себе, тешко дека ќе погрешите. Парче неутрален накит кој одговара на нашиот вкус е само по себе добар избор, а ако го надополните со зборови како "Ова сакам да го носиш засекогаш", дефинитивно ќе ни се допадне.

Лоши поклони кои можат да ја уништат и најдобрата намера

1.Нешто што е во врска со вас
Да и подарите на девојката карти за фудбалски натпревар е сосема прифатливо, под услов и девојката да сака фудбал. Ако вашата намера е да си подарите на самиот себе, а поклонот да го претставите како заедничка забава, се сомневаме дека било која девојка би била воодушевена

2."Суптилни" подароци кои кажуваат "Мора да намалиш некое кило"
Книга за здрава исхрана и не е така лош подарок, особено за девојка која сака да готви и знае повеќе за здравиот живот. Но ако поклонот е всушност начин да и кажете дека би можела малку да ги намали слатките, тоа нема да заврши добро. Членска карта за теретана спаѓа во истата категорија.

3.Купон за поклон
Ништо не зборува "Не ми се размислуваше" толку многу како што тоа го кажува купонот за некоја продавница. Поклонот мора да биде нешто со што ни покажувате што мислите за нас, и уште поважно, дека навистина мислите на нас. Брзо купениот поклон значи дека сте имале поважни работи од размислувањето на нашата годишнина, или дека речиси сте заборавиле.