Секоја девојка има критериуми што се однесува до мажите, а колку повеќе минува времето, толку подобро сфаќаме кој квалитети коај нив воопшто ги бараме. Но, дали некогаш сте се запрашале дали се тоа квалитети кои се пресудни за добра врска и дали би можеле да сакаме некоја личност која не ги поседува овие квалитети? Важно е да разликувате нешто без што врската не може да опстане и површинските работи кои се важни само за твоето его...

Мода да биде богат
Парите доаѓаат, а си одат уште пред да го изговориме зборот "пари". Можеби досега на тоа не си обрнала внимание, но начинот на кој го стекнал своето богатство е важен. Се работи ли за мамин и татин син кој не го знае значењето на зборот "работа"? Дали го основал бизнисот на темел на свои брилијатни идеи или пак заработува нормална плата, но се работи за човек кој знае да штеди? Одговорите на овие прашања повеќе ќе влијаат на твојата врска отколку бројките на неговата сметка во банка. Сите пари на светот нема да ти ја разубават врската во која нема да бидеш почитувана. Како мажот заработува или се труди да заработи е доста поважна информација од тоа има ли и колку.

Мора да биде мускулест/ да носи дизјанерска облека
Како воопшто овие квалитети ќе ја подобрат твојата врска? Одговорот би бил - никако! Всушност од мажите кои се опседнати со својот изглед би требало да бегаш. Се прашуваш зошто? Затоа што неговите постапки ќе бидат базирани на реакциите кои ги добива од "надворешниот свет". Со време одобрувањето од другите ќе му биде поважно од твоето одобрување, што сигурно нема да резултира со "И си живееа среќно до крајот на својот живот" верзија на приказната.

Ти мора да му бидеш на прво место - секогаш
Ако твоето момче бега од состаноци само за да може да одговори на твојот повик, наскоро ќе остане без неа. Ако празниците редовно ги минува само со своето семејство, со време ќе почне да го јаде чувство на вина кое ќе резултира со општо незадоволство од состојбата на врската. Не можеш да очекуваш дека твоето момче секогаш ќе те стави пред своите пријатели, семејство, работа и слободното време. Секоја врска има потреба од здрава рамнотежа меѓу времето кое го минувате заедно и времето кое го земате за да бидете сами. Не ти е целта да го "исцeдиш" животот од него, туку да го направиш поубав.