Можеби сте одлучиле да прекинете со него, можеби сакате да му кажете дека ви треба пауза, а можеби ви е само до малку кавга. Без оглед на ситуацијата, вашето момче заслужува веста да му биде кажана што е можно понежно (освен ако заслужил да биде скршен). При соопштувањето на лоши вести на својот сакан, држете се до овие совети...

1.Бидете човечко суштество
Дури и ако сте многу лути и сакате да исфрлите се од себе, размислте за тоа како вашата вест ќе влијае на него. Неговите стравови и несигурност, сигурно ќе испливаат на површина штом почнете да зборувате, па затоа пробајте да се контролирате пред се да му истресте во лице. Со тоа, почитувајте ја неговата потреба да реагира. Ако се налути или вознемири, немојте да му замерите на оваа сосема очекувана човечка реакција.

2.Бидете сигурни во својата одлука
Еднаш кога ќе кажете се, тоа веќе не можете да го повлечете. Ако не сте сигурни во своите одлуки, причекајте додека работите да се разјаснат сами. Најлошо што можете да напрвите е да донесете непромислена одлука и да расипете се што можело да биде добро.

3.Бидете отворена за критика
Вашата одлука вам може да ви се чини сосема исправна, но тоа не значи дека не смеете да ја слушате другата страна што има да каже. Ако го критизирате своето момче, бидете подготвени на против аргументи кои ќе мора да ги сослушате. Без подготвеност да прифатите критика ќе делувате незрело и безобразно, а сигурни сме дека и на вашето момче ќе му биде полесно ако малку се испушти.