Неодамнешно истражување покажа дека е потребно само 20-тина секунди да ја препознаете лагата па затоа обрнете внимание на следниве неколку точки кои ќе ви помогнат да ја откриете што порано...

Отворено прашање
Ако се сомневате дека вашиот сакан направил нешто што не треба, прашајте го отворено како се чувствува за тоа што го направил. Погрешно оптужената особа ќе изрази лутина и негодување поради искажаната недоверба, додека виновникот ќе изрази еден куп различни емоции.

Асиметрија
Кога искрено се смееме и муртиме, двете страни на лицето се еднакви. Ако забележите дека симетријата не е присутна, лицето со кое разговарате веројатно лаже.

Очи
Само една од десет особи може да ги помести мускулите околу очите како би лажирала насмевка. Затоа, ако ви е упатена насмевка, а не го гледате движењето на споменатите мускули, постои голема шанса дека ви е упатена лажна насмевка.

Смиреност
Речиси сите сме убедени дека лажливците ќе ги откриеме поради нервозата која би требало да ја покажат, но овде важи сосема спротивното правило затоа што лажливецот мора додатно да се труди за да ја прикрие својата лага со мирни движења на телото пропратени со говор. Еден од првите знаци на предупредување може да биде неговата необична смиреност во непријатна ситуација.

Вистинско прашање
Стојте понастрана од прашањето "Зошто" затоа што тоа е најбрзиот начин некој да завземе одбрамбен став. Наместо тоа пробајте да прашате "Што те натера да го направиш тоа?" затоа што така ќе добиете сосема друг одговор.

После разговор
Обрнете внимание на она што се случува после разговорот затоа што лажливците чувствуваат големо олеснување откако го завршиле најтешкиот дел, а тоа е дека ве убедил вас дека е во право.