Сите оние кои не веруваат во љубов, наскоро ќе можат животниот сопатник да го изберат врз основа на компатибилноста на гените...

ДНК тестирањето станува сè поевтино и научниците сметаат дека за пет до десет години секој млад човек ќе може да си дозволи анализа, за да го дознае својот целокупен генетски код, а со тоа да си пронајде и соодветен партнер.

Денес луѓето посветуваат повеќе внимание на своето здравје, а со тоа сакаат и здраво потомство, затоа многу веројатно е дека сè повеќе ќе бараат партнер кој има соодветна ДНК.

Благодарение на ДНК анализите, паровите ќе можат буквално „да бираат" каква боја на коса ќе има нивното дете, дали ќе има сини или кафени очи, а ќе можат веднаш да дознаат дали има можност да заболи од некоја наследна болест.

Научниците сметаат дека на тој начин ќе се намали бројот на деца со Даунов синдром и други тешки болести. Сепак, некои научници не се согласуваат со оваа идеја.

„Нашето општество веќе е опседнато со славни личности, физичко совршенство и висока интелигенција, така што на луѓето со инвалидитет или некоја болест се гледа како на помалку вредни. Наш приоритет би требало да биде потрагата по лек и помош за заболените", велат тие.