Секој рагира различно кога е прекинот во прашање. Некои девојки плачат по цел ден, некои чистат по дома, а некои продолжуваат со животот како ништо да не се случило. Факт е дека најдобро е после прекин да се ослободиш од сите докази за врската, затоа што ако ги задржиш, големи се шанските дека ќе те потсетуваат на убавите моменти кои веќе ги нема...

Пораки
Неговата прва порака е полна со несигурност, слатки зборови и труд да те освои, а секој пат кога ќе ја видиш очите ти се насолзуваат? Наместо да живееш во минатото, едноставно избриши ги пораките кои те враќаат назад во времето кое поминало.

Фејсбук
Глупаво е да го избришеш од Фејсбук, особено ако сте прекинале со кавга, но за тебе е подобро да не знаеш што прави па затоа едноставо сокриј го.

Фотографии
Ги имаш на мобилниот, на Фејсбук, на компјутер...Секој пат кога ќе видиш негова слика, нема да ти биде сеедно па затоа најдобро ослободи се од нив. Не мора се ослободиш во целост, но доволно е да ги сокриеш некаде каде што нема да ги гледаш.

Сувенири
Вашата прва влезница за во кино, сувенирот кој ти го донесе кога беше на патување се само работи кои ќе те потсетуваат на врската и ќе го отежнуваат процесот на преболување. Не мора да ги фрлиш, но држи ги некаде каде не мора да ги гледаш секој ден, барем додека да продолжиш напред.