Истражувањето во Hertfordshirе покажало дека љубовта може да се развие преку глумењето дека всушност постoи, барем така тврдат резултатите. Професорот Ричард Висман следел 100 пара на брз состанок и дошол до интересен заклучок. Паровите кои се однесувале заљубено, нежно гледалe еден во друг и си шепотеле како заљубени средношколци имале многу поголема желба да се видат повторно ( на должина од 3 минути, колку што траел брзиот состанок)....

Тие кои се преправале дека се кул и незаинтересирани добиле многу помалку позитивни оцени на крајот од состанокот. Иако од сите страни не советуваат, дека ако сакаме да освоиме маж треба да се однесуваме незаинтересирано, ладно и да глумиме недостижна девојка, ова истражување ни ја враќа надежта, затоа што жените и онака се склони кон претерано покажување на чувствата. За оние кои не се, професорот Висман советува - Ако сакате уште еден состанок, глумете дека сте заљубени, и ќе го добиете.

Иако во ова може да веруваме, затоа што машкото его сосема ужива кога има чувство дека неможеме да живееме без него, прашање е после колку време мажот ќе се излади и ќе категооризира ваква девојка која е премногу заљубена. Подоцна очигледно ќе треба да глумиме дека не сме заљубени, иако сме.