Долгата коса обично се поврзува со женственоста и логично е поголемиот дел од мажите да ја сметаат за привлечна. Но, дали навистина е така!?...
Се шушка дека мажите не ги сакаат, и не ги сметаат за атрактивни жените со кратка коса и дека дури на некој начин се плашат од нив. Бидејќи повеќето од жените кои се со кратка коса емитуваат повеќе самодоверба и се самостојни. Мажите ги сметаат за сексапилни но од друга старата не гледаат на нив како кон жените со долга коса. Според анкетата, направена по нарачка на компанијата TRESemme за производи за коса, мажите преферираат жени со долги брановидни коси.
Во анкетата учествувале 3000 мажи. Најмногу од нив (43%) гласале за долгата бранвидна коса. На второ место учесниците во анкетата ја ставиле долгата права коса каква што носи Џенифер Анистон. А на трето место е класичната кратка фризура, каква што неодамна си направи пејачката Ријана.
Половина од мажите кои учествувале во анкетата, признале дека повеќе им се допаѓа кога жените ја носат косата пуштена отколку соберена. 80% од учесниците во анкетата сметале дека фризурата зборува многу за жената, но велат дека ретко ги забележуваат промените. 25% велат дека дури немаат храброст да го искажат искреното мислење за новата фризура. Додека 72% од мажите откриваат дека сакаат коса со сјај.
Едно е јасно, на секој му се допаѓа жена која изгледа добро, жената која се чувствува удобно во своја кожа и е полна со самодоверба. А каква е нејзината коса, нема некое посебно значење.
