После прекинот немојте да се затворите дома и да ја "храните" тагата со огромна количина на храна, туку соочете се со фактот дека сте сами и среќно запловете во својот нов свет...

Далеку од екран, далеку од срце
Во состојбата во која се наоѓате најмалку ви треба да гледате нови фотографии од поранешниот партнер и да читате негови статуси. Затоа "сокријте" го неговиот, односно нејзиниот профил на социјалните мрежи.

Олеснете си ја душата
Истражувањата покажале дека раазговорот за чувствата помага да се олесните од бесот и тагата, затоа соберете го своето друштво  на голема забава за озборување. Само внимавајте - многу зборување за прекинот и со уште повеќе алкохол може да доведе до неконторлирани ситуации во три часот да пишувате порака на добро познатиот број.

Направете нешто што другата страна никогаш не би го направила
Господинот не сака зачинета храна? Одете во ресторан кој тој не го поднесува и во кој никогаш не сакал да излезете и нарачај го најлутото јадење. Госпоѓицата мрази кино? Одете со другарите на примера на новиот филмски хит.

Освежете го својот изглед
Додека сте во ваква емоцинална состојба, најдобро е да не го менувате драстично својот изглед, затоа што подоцна веројатно ќе зажалите. Но малите промени и рекреација ќе направат да се чувствувате подготвени за нов живот.

Поставете си цел
Сигурно постои нешто што одсекогаш сте сакале да го направите, но сте немале време. Што и да е тоа посветете му се - тоа ќе биде вашиот нов фокус кој нема никаква врска со бившиот партнер односно со вашиот прекин.

Флертувајте
Не мора да се вратите во  игра пред да се почувствувате спремни, но не е добро ниту да се затворите во карантин. Излегувајте често, флертувајте. Не довозлувајте својата сексуална страна да излезе од форма - и нејзе и е потребна вежба.