Ако жена помине покрај група мажи, тие задолжително ќе фрлаат оценувачки поглед на неа, особено ако е во нешто кратко. Зарем мажите обрнуваат внимание само на надворешноста?...

Жените многу сакаат да бидат гледани не само како тело, туку како интересни личности, да се цени нивната душа и индивидуалност.

Еве што мислат неженетите мажи за прашањето "Што ви привлекува кај жените?"

20-годишните - секс и надворешност

Главното за мажите на 20 години е да започнат успешна кариера. Што се однесува до жените, колку повеќе ги имаат во својата "колекција", толку подобро. И се разбира, тие мора да бидат убави, за да може да ги "прикажат" пред пријателите, односно да ја зголемат нивната машка самодоверба.

Кога се запознаваат со жена, првата мисла на 20-годишните е "сакам ли да имам секс со неа?". Од одговорот зависи и развојот на односите, но овие мажи, како правило, не се стремат кон долги врски - тие сметаат дека им е рано да создадат семејство.

Кон 30-годишна возраст, по низа неуспеси со атрактивни, но глупави девојки, во ставовите настапува промена - мажите почнуваат да сфаќаат дека надворешноста не е се и дека тие исто така може да имаат чувства.

30-годишните - стабилност

На 30 години мажите веќе размислуваат за семејство и ја сфаќаат потребата од дом, сфаќаат дека е време да се создаде и дете. Тие ги гледаат жените веќе на друг начин. По периодот на сексуалните експерименти тие бараат жена, погодна за сопруга и мајка.

30-годишните веќе знаат дека нема да го поминат целиот свој живот во кревет. Откако ќе изградат успешна кариера, тие почнуваат да размислуваат за продолжување на родот. Веќе имаат потреба од стабилност во односите.

Се разбира, убавата девојка секогаш ќе привлекува внимание кај нив, но вистински интерес веќе предизвикуваат поразлични работи - тие бараат жена која може да им роди здраво дете, а не фотомодел или манекенка каде ќе ја гледа само нејзината надворешност.

40-годишните - друштво и пријателка

40 и сеуште неженет? Тој е или премногу приврзан кон мајка си, или премногу време поминува на работното место. Во вториот случај обично постои добра кариера, но мажот се чувствува ужасно осамен, бидејќи нема со кого да го сподели својот успех.

Мажите на 40 се поголеми материалисти отколку 30-годишните. На нив им треба жена која ќе се грижи за нив и со која ќе се чувствуваат добро. Ако една жена е подготвена за тоа, овој човек е нејзин.

Кога се запознаваат со жена, 40-годишните ќе обрнат внимание на надворешноста, но ако сфатат дека не можат да изградат подолги односи, брзо губат интерес. Тие сакаат да имаат жени кои ќе се смеат на нивните шеги и ќе ги споделуваат своите интереси, кои ќе се грижат за нив, но и самите ќе имаат потреба од внимание. Веќе не станува збор да се најде само љубовница или жена, туку и пријател.

На таа возраст мажите се заинтересирани многу од природата на жените. Интересни ли се? Дали се добри? Многу важен фактор е и вештината на жената да готви и да се справи со важни проблеми.

Дали овој пристап ви се чини безсрдечен? Чувствувате потреба од романтика и секс? Тогаш барајте 20-годишни момчиња, на кои не им треба ништо друго освен тоа.