Сѐ се може кога се сака...

За време на ваквите горештини, кога живата во термометарот дури и во текот на ноќта не се спушта под 20 Целзиусови степени, на многумина не им е до водење љубов. Особено кога задоволството го расипуваат потта и непријатните мириси. Еве како да се справите со сите тешкотии кога ќе се најдете во ептен жешка ситуација.

Пот

Прифатете го фактот дека за време на сексот ќе се испотите, и тоа уште од првиот момент кога ќе започне акцијата. Ако се чувствувате непријатно додека во големи количини се потите пред партнерот, вклучете го клима уредот. Едно од решенијата е и секс под туш.

Мирис

Поради толку потење најверојатно ќе се чувствувате непријатно. Затоа сексот во текот на летото на некои не им е најпријатно искуство. Меѓутоа, ако сте уигран тандем, спас побарајте на отворено. Помалку пот, помалку непријатни мириси.

Дехидратација

Поради зголеменото потење за време на сексот телото ќе бара поголема количина течности. Затоа, веднаш до креветот подгответе пијалак, најдобро вода или ладен сок.

Умереност

Сексот за време на вакви горештини лесно може да ве исцрпи. Затоа, за поладните денови одложете го испробувањето на нови екстремни пози и тантричкиот секс. Направете пауза, пијте многу вода и само тогаш, ако имате вишок сила, впуштете се во уште еден секси предизвик.