Не мора секогаш да бидете во своето најдобро, блескаво издание. Не мора да се оптеретувате со изгледот дури и ако знаете дека може да сретнете момче кое ќе ви се допадне. Работите воопшто не се толку комплицирани...

Што забележуваат мажите?

Насмевка. Ретки се жените кои во секој момент "пукаат" од самодоверба. Убавината е дел од физичкиот изглед, до некаде, но поголемиот дел е работа на ставот. Насмевка која зрачи и прикажува една особа која е оптимистична и самоуверена ќе го привлече неговото внимание поефикасно од било кој шминка.

Коса. Постојат малку попривлечни работи од блескава, негувана коса. Тоа не значи дека редовно морате да трошите богатство во фризерски салон, доволно е редовно да ги освежувате врвовите и ако се фарбате, да видите сметка на немате нападен исрасток. Секако, најважно е косата да биде чиста, но не е неодпходно во секој момент да имате беспрекорна фризура. Меѓу другото, овој помалку разбушавен изглед "како наскоро да сте станале од кревет" никогаш не излегува од мода.

Бидете средени. Ако мислите дека мажите не забележуваат ситници како што се откачен лак или изгужвана кошула, се лажете. Не мора секогаш да бидете совршено нашминкана, секако, ако веќе користите лак за нокти, тогаш тој мора да биде во беспрекорна состојба. Или немојте да ги лакирате ноктите (тоа е сосема во ред), или лакот нека биде совршен. Било која варијанта помеѓу е неприфатлива.

Што се однесува до облеката, најважно е вие да се чувстувате пријатно. Немојте да ја следите модата по секоја цена. Бирајте парчиња кои добро ви стојат, и со трпение градете сопствен стил. Таквите жени никогаш не поминуваат незабележани.