Паровите кои излегуваат заедно, остануваат подолго во врска, барем така велат. Иако некои момци повеќе би сакале да останат дома отколку да излезат со својата девојка во клуб, заедничките излегување можат да бидат многу корисни...

Не очекувајте премногу
Очекувањата може да бидат ваш најголем непријател. Ако очекувате дека ќe ви биде одлично, ќе се разочарате, а ако премногу го анализирате секој сегмент од излегувањето, никој нема да се забавува.

Повикајте пријатели
Ако излезете сами, нема баш добро да се забавувате. Сами можете да бидете и дома, а за добра забава ви требаат пријатели. Повикај ги твоите пријателки а тој своите пријатели, и добрата забава е загарантирана.

Имајте доверба еден во друг
Веројатно ќе му се пушти некоја девојка, а тебе можеби некое момче, а ваквите ситуации се потецијална катастрофа за излегување. Мажите знаат како да бидат посесовни и заштитнички настроени кога ќе видат дека околу девојката им се мотка друг тип, а ни жените не се нешто подобро.

Среди се
Момчето веројатно ќе ти каже дека фустанот ти е прекраток, но тоа е едноставно негов начин да ти даде до знаење дека не му е сеедно ако те гледаат други момчиња. Меѓу другото, кога еднаш ќе свати дека, иако сите зјапаат во тебе, ти си само негова, егото ќе му се нахрани толку што ќе биде горд што така си се средила.