Сексуалната врска со поранешниот партнер или сопруг е корисна, покажало најновото истражување објавено во списанието на социјална и клиничка психологија...

Многу филмови почнуваат така - двајцата херои се среќаваат по години, искрата се пали и тие се свесни колку многу погрешиле кога се разделиле. Истражувачи од државниот универзитет во Аризона истражувале, анкетирајќи 137 поранешни брачни парови.

Резултатите покажале дека поранешните сопружници, кои од време на време имаат секс, се разбираат подобро и полесно го надминале разводот. Водечкиот автор на истражувањето Ешли Мејсон, доктор по психологија, вели дека сексуалниот контакт со поранешниот партнер е корисен за емоционалната состојба.

Некои разведени парови продолжуваат да имаат секс по завршувањето на бракот, бидејќи признаваат дека имале доста добар сексуален живот и работите тргнале во погрешен правец насекаде, но не и во кревет. Други пак, се враќаат во спалната соба на поранешниот, бидејќи се таков тип луѓе кои се врзуваат силно кон некого и тешко започнуваат нова врска.