Ако му веруваме на новото истражување, губењето на килограмите кај постарите мажи би можело да има значајно влијание на нивото на тестостеронот. Наводно, неодамнешното објавено истражување се базирало на примерот од 891 маж со проблеми и со прекумерната телесна тежина и дијабетис, кои учествувале во експериментот во траење од година дена...

Оние кои за тоа време вежбале барем два ипол часа неделно и одбрале здрава храна за оброк, драматично го промениле не само својот изглед, туку и нивото на тестостеронот. Кај 15% од нив нивото на тестостеронот било значително поголемо, додека кај 46% е намалено влијанието на хипогонадизмот, пореметување кое се манифестира преку нус појави како ниско ниво на тестостерон, слаба сексуална желба и еректилна дисфункција.

Занимливо е да се спомене дека едно истражување од почетокот на оваа година го поврза губењето на големо количество маснотии во делот на стомакот со подобра циркулација на крвта во половите мускули, што на крајот влијае на подобра ерекција и сексуална активност.