Првите состаноци се доволно стресни, а ако сакате разговорот да тече природно, избегнувајте ги овие теми...

1.Бивши љубови
Еднакво како што ти не сакаш да слушаш приказни за неговата бивша, така и него не го интересираат случките со твоите бивши. Зошто прекинавте, каков бил во кревет и на кој начин му се одмазди не е соодветна тема за новото момче.

2.Брак
Твоите гледишта за бракот можеби се супер, но тој на самото споменување на овој збор ќе подигне ѕидови околу себе и ќе те стави во исти кош со оние девојки кој сакаат само да се мажат. На првиот состанок не е добро да се зборува за далечна иднина. Можете само да планирате втор состанок, и тоа е се.

3.Твоите телесни функции
Ако си добила менструација тоа слободно можеш да го поделиш со пријателките, но момчето со кое излегуваш прв пат не мора да знае што ти се случува. Момците сакаат девојки кои не се срамат да бидат отворени, но ова е премногу информација.

4.Време
Бракот и иднината се премногу лични теми, а разговор за временските услови е токму спротивно. Ако разговараш со него за биометеролошките прилики, момчето ќе помисли дека ти е многу досадно, а и тој ќе почне да се досадува.

5.Приговарање
Твојот лош ден сигурно нема да го остави рамнодушен, но ако цела ноќ ја претвориш во приговарање за тоа дека не го сакаш својот живот и дека сите те нервираат, и неговиот ден ќе стане лош. Ако не си расположена за состанок, подобро откажи го затоа што никој не сака да ги слуша туѓите поплаки.