Се запознавте, одлучивте да излезете на состанок, а твојот Фејбук те повикува и моли тоа да го поделиш со сите? Ако не сакаш да делуваш очајно, некои работи треба да ги избегнуваш кога станува збор за ново момче...

1.Нека тој те пронајде тебе
Само затоа што синоќа одлично си поминавте во клубот не значи дека веднаш треба да го додадеш меѓу пријателите. Ако нависитна добро започнавте, нека тој те пронајде тебе. Така ќе делуваш помалку заинтересирано, што него силно ќе го заинтегрира. Не велиме дека не смееш да го шпионираш преку профилот, само немој веднаш да го додаваш.

2.После состанокот...
Немој веднаш да отидеш на Фејсбук и да ги поделиш сите детали од вашата вечера, дури немој да ставаш ниту индиректни статуси кои ќе бидат многу проѕирни. Ако сакаш да делуваш кул, најдобро е таа вечер да не ставаш ништо на својот профил, а ако баш мораш, стави некоја песна која може, но и не мора да ги означува твоите моментални чувства.

3.Задржи ја приватноста
Знаеме дека ти е згоден, и свесни сме дека на сите би сакала да им покажеш со кого си, но тоа не значи дека веднаш мора да ставаш негови фотографии на Фејсбук. Приватноста е многу важна, а ако веднаш го означуваш на фотки или во статусите во кои зборуваш за тоа каде те одвел, го нарушуваш неговото право на приватен живот. Меѓу другото, никој не гарантира дека долго ќе бидете заедно, па затоа почекај некое време со објавувањето на фотографии, за подоцна да не мора да ги бришеш.