Мажите не ги покажуваат толку отворено чувствата затоа што се различни од нас и затоа што не се нашите најдобри пријателки. Жените после напорен ден сакаат да си дојдат дома и да зборуваат за денот кој е зад нив, затоа што така полесно ќе го решат проблемот кој ги мачи, а мажите не се такви. Тие ќе молчат и ќе го решат проблемот сами. Не седат на кревет, не се жалат и не ги бараат своите пријатели да видат кој од нив ќе им понуди подобро решение...

Мислат дека покажувањето емоции е резервирано за жените
Мажите растат со своите татковци кои се фокусираат на "машките работи" и извршувањето на работата, додека жените се тие кои се задолжени за емоции и драма. Кога како мали ќе паднат, од нив се очекува да се станат и веднаш да продолжат понатаму, додека нивната сестра ќе седи и ќе дискутира што се случило. Да го присилуваш да ги покаже своите емоции е исто како да го присилуваш да се заљуби во тебе.

Поразлично функционираат од жените
Не се работи за тоа дека немаат чувства, туку за тоа дека функционираат поразлично од нас, па така емоциите повеќе би ги искажале преку дела отколку преку зборови. Можеби ќе му биде тешко да ти каже дека те сака затоа што мажите не се вербални суштества како жените, но затоа ќе ти го измасира болниот грб после напорниот ден на работа.

Несигурни се
На мажите им се става голем притисок затоа што од нив се очекува да делуваат силно и способно во секој момент. На некој начин имаат страв од покажување емоции затоа што би можеле да делуваат како слабаци. Меѓу другото, баш како и жените, и мажите се плашат дека ќе бидат повредени.