Истражувањето кое беше спроведено покажа нова страна на неверството. Изненадувачки, но неверството нема многу врска со сексот, барем не толку колку што досега се мислеше..

Наместо сексот, вистинскиот мотив е емоционалното незадоволство, а двата пола току тоа го наведуваат како примарна причина зошто изневеруваат. Сексуалното незадоволство е второ на листата, а само 8% од испитаниците од машкиот пол изјавиле дека изневеруваат затоа што имале необична потреба за "ширење на своето семе" надвор од врската.

Стручњакот за врски Лајне Р.Закери вели дека ова не е толку чудно. "Mногу ќе се изненадат, но мажите кои изневеруваат често бараат некој со кој ќе се поврзат, некој кој освен секс ќе им даде пријателство и комнуникација кои недостигаат во нивната врска". Докторката Сузан Хеитлер вели дека емоционалната оддалеченост е најголемата причина за прељуба, но и дека за неа има лек. "На ова партнерите можат да поработат и да ја спречат прељубата поради емоцианалната оддалеченост. Стресот и оддалеченоста влијаат на создавањето потреба за некој друг, а сето тоа може да се реши преку комуникација или брачен советник".

Преку 50% од испитаниците се согласиле дека технологијата го направила изневерувањето многу по достапно, а само 7% мислат дека Фејсбук го зголемил бројот на неверства во светот. За поголема достапност на неверството виновни се и страните за пронаоѓање партнери. 90% од нив велат дека токму тие ја зголемуваат потребата за изневерување, но и дека не се единствениот виновник. Ако некој навистина сака да биде неверен, ќе пронајде начин и без помош на технологијата.