Mногу самци се среќни со својот соло статус, но со време сигурно ќе посакаат да влезат во врска. Тоа ќе се случи, но, во меѓувреме треба да бидете отворени за сите можности. Постојат неколку работи кои не спречуваат во тоа да ја пронајдеме љубовта која ја бараме...

Лоша работа
Минувањето осум часа на ден во лошо расположение поради работата која ја мразиме сигурно нема да ни обезбеди позитивни вибрации. Поради тоа ќе страдаме ние самите, а и нашиот потенцијален однос со другите луѓе.

Недостаток на самодоверба
Обично на нашиот изглед не му фали ништо, но ние често сакаме да мислиме дека не е така. Недостатокот на самодоверба е еден од главните проблеми кои не спречуваат во пронаоѓање на љубов. Потценувањето на себе и преценувањето на другите речиси секогаш резултира со недостаток на храброст во приоѓањето на лице од спротивниот пол.

Години
Кога ќе се прекине долгогодишна врска, многумина остануваат сами во раните 30-ти, што предизвикува загриженост поради "старост". Обично се работи за пресметка од типот "Сега имам 31, ќе запознаам момче, ќе одиме три години пред да се венчаме...Колку години ќе имам кога ќе го родам своето прво дете?" Во ред е да планирате некои работи, но опсесивно да размислувате за одредени датуми нема никаква смисла. Забрзувањето на работите и нападниот пристап ќе ги натера момчињата да бегаат од тебе.