Насмевка, отргнување на погледот и опуштање на рацете се знак дека пријателот/ката сака нешто повеќе...

Ако не сте сигурни дали личноста што ви се допаѓа сака нешто повеќе од пријателство, дешифрирајте ги движењата. За почеток побарајте ги знаците за позитивно движење на телото, советува психологот др. Џереми Николсон. Ако му се допаѓате пријателот често ќе се доближува до вас за да го намали просоторот кој ве раздвојува. Освен контактот со очите, на привлечност може да укажуваат и срамежливо отргнување на погледот, разиграната насмевка, опуштени нозе, играње со косата или накитот.

Ако вашиот "пријател" ве известува за неговите врски, можеби бара знаци на љубомора во вашите реакции, но можеби пак сака да ве "излади". Ако често слушате за "слаткиот Лука" или "секси Лана", запечатете го пријателскиот однос и бидете среќни поради него/неа.

За дијагноза на односот доволен е допир
Личноста која ве привлекува често ќе ја допирате или барем ќе настојувате да биде така. Ако забележите дека регира и се повлекува кога во текот на разговорот ќе му/и ја допрете раката, веројатно не сака повеќе од пријателство. Ве доживува исклучиво пријателски.

Друштво носат срамежливите, но и незаинтерисираните
Ако му се допаѓате на пријателот секогаш ќе најде време за вас двајца. Но ако секој пат со себе носи и некој друг, вие сте во пријателска зона. Сепак, може да станува збор за срамежливост. Ако толку му се допаѓате што се плаши да остане насамо со вас, забележете дали ви посветува посебно внимание и дали настојува да биде блиску до вас.