На раскинувањето секој реагира различно. Некои девојки се повлекуваат во себе, некои глумат дека се пресреќни, а секоја од нив прави барем една од овие грешки...

1.Демнење на Фејсбук
Класична грешка после прекин. Наместо да се забавуваш и да пробаш да го заборавиш, ти висиш на Фејсбук и се трудиш да го дешифрираш значењето на песните кои ги ставил на својот ѕид. Тој веројатно е надвор и не мисли на тебе, песната сигурно нема врска со тебе, а на тој начин само си ја зголемуваш болката.

2.Ново момче во рок од недела дена
После прекинот, најдобро е да почекаш пред да влезеш во врска со ново момче. Ако ти си оставената, сигурно сеуште не си имала време да сфатиш што точно се случило, а новото момче само привремено ќе ти ги отргне мислите од бившиот. После некое време ќе мора да се соочиш со фактите.

3.Фалби со новото момче
Да го направиш бившиот дечко љубоморен има свои предности, но ако веќе после неколку дена почнеш да ставаш фотографии од згодни момчиња со кои се дружиш на Фејсбук или почнеш да им се фалиш на неговите другари дека имаш ново, многу подобро момче, сите ќе знаат дека само се трудиш да делуваш кул.

4.Куче наместо дечко
Многу девојки после раскинувањето се трудат да ја пополнат емоционалната празнина, а ако купувањето или вдомувањето на животни е супер работа, не е решение во оваа ситуација. Не е природно да ја ставите целата тежина на едно животно. Ако не можеш да бидеш сама, не би требало да очекуваш од миленичето да те утеши.

5.Радикални промени
Прамени или шишки се едно, но ако после прекинот одлучиш да ја скратиш својата долга коса и да ја замениш со откачена фризура само за да докажеш дека си нова личност, големи се шансите дека ќе се покаеш. Природно е да посакаш нешто ново, но најголемата промена мора да дојде од внатре. Ако со физичка промена сакаш да избришеш нешто што те мачи од внатре, нема да успееш. Ќе бидеш иста личност, со исти проблеми - и друга фризура.