Семејниот живот кај поголемиот дел од жените започнува на 35 години, покажува најновото истражување...

Претставничките на понежниот пол застануваат пред олтар доста подоцна отколку нивните мајки и баби. Просечната возраст за свадба е меѓу 30 и 40 години.

Во последните десет години бројот на "зрелите" невести се зголемил двојно. Освен тоа невестите сакаат традиционални свадби со бел фустан, превез и многу гости.

Според психолозите доцната свадба има оправдани причини. Современите жени имаат потреба од доволно време за да најдат маж, за кого ќе се омажат еднаш и засекогаш. Многумина велат дека не гледаат смисла во долгорочната врска пред 30 години, затоа што има многу други работи на кои можеш да се одадеш - работа, пријатели, патувања.

Па, се разбира, ако штркот слетал порано на рамо, нема смисла да го отргнуваме. Има начин да се справиме со кариера и личен живот, само човек треба да знае како да си го организира времето.