Пред да добиеш возачка дозвола мора да научиш да возиш автомобил, иако за брак не ти треба речиси никаков документ (освен дозвола), во него е добро да влезеш дури откако ќе ги совладаш овие вештини...

Емоционална самоконтрола
Многу бракови пропаѓаат токму поради недостатокот на самоконтрола. Ако знаеш да се контролираш, ќе знаеш дека некогаш е подобро да си премолчиш некоја ситница и да не креваш паника околу се. Ова вештина е мнгоу важна за одржување мир во куќата.

Комуникација
Разовор и комуникација не е иста работа. Можеш да разговараш а да не кажеш ништо, а ако знаеш добро да комуницираш и имаш такт додека го правиш тоа, со 2-3 збора можеш да направиш голема работа. Секогаш е полесно да го натераш мажот на соработка ако знаеш што да кажеш, како да кажеш и кога.

Решавање конфликти
Секој пар има некои конфликти кои мора да ги реши. Некои парови ќе се расправаат затоа што секој од партнерите ќе инсистира на својот начин, а оние другите, паметно ќе сватат дека конфликитете и разликите во карактерот најдобро е да се решат со компромис. Ако очекуваш тој да се смени, мора да се промениш и ти, за се да биде фер.

Позитивност
Сите лоши работи ќе делуваат подобро ако внесеш малку позитивно размислување. Проблемите можеш да ги гледаш од црната страна и да ги направиш уште поголеми, или едноставно можеш да ги уништиш со добар став. Кога еднаш ќе ја совладаш техниката за позитивно размислување, се ќе решаваш со леснотија, а проблемите на дневна база ќе бидат се по невини.